среда, 23 јули 2025

Кавадарчанка пет години го криела профитот од УЈП, Финансиската полиција ѝ поднесе кривична пријава

Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и овластен потписник на Друштвото за производство, трговија и услуги Руж експорт ДООЕЛ Кавадарци, дознава МКД.мк. Пријавената се сомничи за сторени кривични дела даночно затајување и продолжено кривично дело.

Објавено на

часот

Сподели

Според изворите на МКД.мк, пријавената С. Т. во својство на сопственик, управител и овластен потписник на друштвото за производство, трговија и услуги Руж експорт ДООЕЛ Кавадарци, во периодот од 1 јануари 2013 година до 31 декември 2018 година, свесно и со намера да се стекне со противправна имотна корист, набавувала трговска стока на отворен пазар од физички лица во готово, набавената трговска стока не ја евидентирала на залиха на фирмата Руж експорт, издала вкупно 2.785 излезни фактури и изјави за потекло на земјоделски производи со потпис и печат, извршила вкупно 2.785 извози на трговска стока во Албанија, Србија, Црна Гора, Косово и Русија преку 14 царински испостави во вкупен износ од 514.031.324 денари за кој износ не пресметала, не пријавила и не платила данок на добивка во износ од 50.854.180 денари на штета на Буџетот .

„Со цел да ги прикрие инкриминираните дејствија со кои се стекнала со противправна имотна корист, а да ја избегне законски пропишаната обврска за пресметување и плаќање данок на добивка, пријавената С. Т. свесно и со намера во име и за сметка на фирмата Руж експорт поднела завршни сметки за 2013, 2014, 2015, и 2016 година до Централен Регистар и до УЈП со невистинита содржина. Со цел да ги прикрие инкриминираните дејствија со кои се стекнала со противправна имотна корист, а да ја избегне законски пропишаната обврска за пресметување и плаќање данок на добивка, целокупната книговодствена документација од работењето на Руж експорт ДООЕЛ Кавадарци свесно и со намера е уништена од страна пријавената С. Т. Пријавената со умисла извршила повеќе временски поврзани дејствија што претставуваат повеќекратно остварување на исто дело, искористувајќи ист траен однос, исти прилики или други слични околности, односно извршила повеќе временски поврзани дејствија што претставуваат остварување на истородни дела. Пријавената С. Т. свесно и со намера во име и за сметка на Руж експорт, а со цел да ги прикрие трагите на стореното кривично дело во име и за сметка на фирмата ТД Руж Експорт не поднела завршни сметки за 2017, 2018 и 2019 година до Централен Регистар и до УЈП и од 27 февруари 2020 година има статус на избришан субјект врз основа на Законот за трговски друштва“, велат изворите на МКД.мк.

Со горенаведените инкриминирани дејствија, дополнуваат нашите извори, пријавената С. Т. преку правниот субјект Руж експорт се стекнала со противправна имотна корист од затаени парични средства на име данок на добивка во вкупен износ 50.854.180 денари, за кој износ го оштетила Буџетот на Република Македонија.

ТОП ВЕСТИ

ПОСЛЕДНИ ВЕСТИ