„Околу 13:30 часот на раскрсницата, мостот на реката Луда Мара, кај населеното место Тенеќе маало, забележано е паркирано возило со приколка и група на луѓе кои биле од истото маало, кои нехумано, присилно пробувале да внесат околу четири или пет коњи во приколката , кои биле во ужасна и очајна состојба. Во багажникот на возилото имало и животно кое било врзано на нозете. Очевидците не успеале да го снимаат чинот кој очигледно бил нехуман и се коси со благосостојбата на животните и според законот е кривично дело – мачење на животни“, напишаа активистите за заштита на животните.
Притоа упатија апел до надлежните, до кои ќе испратат и пријава, да го испитаат случајот, да излезат на терен и да се преземат соодветни мерки.
„Да се направи план за преземање на коњите на кои итно им треба ветеринарска грижа и одговорно чување, т.е сопствеништво“, подвлекоа активистите за заштита на животните.
Тие ја споделија и локацијата каде што биле забележани коњите во очајна состојба.
