Кандидатката Џихан Ахмед која не знаеше што е Инстанбулска конвенција ја повлече кандидатурата за Комисијата за дискриминација (ВИДЕО)

Најгласни во забелешките за кандидатурата на Ахмед беа од Мрежата за заштита од дискриминација, од каде побараа Собранието да не ја избере бидејќи како што посочуваат во нивбното соопштение, таа не ги исполнува законските услови предвидени во Законот за спречување и заштита од дискриминација, односно нема ниту една година работно искуство од областа на човековите права, и особено во облата на еднаквост и недискриминација.

Уште пред да биде избрана за член на Комисијата, Ахмед преку социјалните мрежи му се заблагодари на Изет Меџити, лидер на една од партиите во коалицијата Вреди, иако Комисијата е натпартиско тело и не треба да се поврзува со ниту една политичка партија.

Покрај Ахмед, номинирани се и Лимко Бејзароски и Наташа Амдију. Мрежата за заштита од дискриминација упати остар апел до Собранието на Македонија да не ја именува кандидатката Џихан Ахмед за член на Комисијата за спречување и заштита од дискриминација (КСЗД).

Според Мрежата, номинацијата била „несериозна и понижувачка“ бидејќи кандидатката не ги исполнува законските услови и покажала загрижувачко ниво на некомпетентност за време на јавната расправа. На јавната расправа одржана на 20.01.2026 година, кандидатката Ахмед, иако е магистер по меѓународно право, не успеала да покаже основно познавање на Истанбулската конвенција – клучниот стратешки документ за заштита на жените од насилство.

На прашањето за темелите на оваа конвенција, таа дала одговор во историски контекст, зборувајќи за градот Истанбул и периодот на Ататурк, наместо за правните механизми за заштита од дискриминација.

Во продолжение е видеото од срамниот настап на кандидатката.