Како што информираше Јавното обвинителство, изборниот ден поминал без поголеми нарушувања на изборниот процес, а до Обвинителство во текот на денешниот ден било доставено само едно известување на подрачјето на Општина Шуто Оризари за фотографирање на гласачко ливче.
„Итно се дадени насоки за документирање на настанот кој претставува прекршок“, велат од Јавното обвинителство.
Оттаму додаваат дека и покрај мирниот изборен ден, Комисијата на Јавното обвинителство останува активна до целосно завршување на изборниот процес, а сите што евентуално имаат сомнежи за кривично дело поврзано со изборниот процес тоа можат да го направат во сите јавни обвинителства во државава или на посебната електронска адреса [email protected]
„По сите пријави за кривични дела поврзани со изборите јавните обвинителства постапуваат со приоритет“, велат од Јавното обвинителство.
