„Полицијата уште еднаш ја оправда довербата што граѓаните ѝ ја даваат. Преку професионално, законито и одговорно постапување, ги потврди својата улога и мисија да биде стожер на безбедноста, чувар на јавниот ред и гарант на сигурноста на секој граѓанин. Со висок степен на интегритет, дисциплина и нулта толеранција кон какво било незаконско дејствување, полициските службеници беа присутни на секој чекор, обезбедувајќи мирен, достоинствен и транспарентен изборен процес. Секоја пријава, секој обид за нарушување на изборниот процес беше навремено откриен, темелно проверен и соодветно процесуиран. Брзата и одлучна реакција на полицијата уште еднаш потврди дека законот важи подеднакво за сите без оглед на статус, функција или политичка припадност“, пишува Јанев.
Според него, она што посебно охрабрува е партнерството што заеднички го изградиле со граѓаните, партнерство засновано на доверба, транспарентност и заедничка грижа за безбедноста и демократијата.
„Токму тоа е темелот врз кој ја градиме современата, европска Македонија, држава на ред, сигурност и почитување на институциите. Искрено им се заблагодарувам на сите полициски службеници кои беа на првата линија на теренот, за нивната професионалност, посветеност и достоинствено претставување на полицијата. Благодарност и до целиот раководен кадар за координираноста, одговорноста и лидерството што го демонстрираа во текот на целиот процес. Граѓаните, полицијата и државата уште еднаш покажаа дека кога сме обединети околу вредностите на демократијата, законитоста и интегритетот Македонија оди напред“, нагласува директорот на БЈБ.
