Како што покажа истрагата спроведена од локалните агенции за спроведување на законот во соработка со Европол, мрежата на фалсификатори на вина кои увезувале вина од Балканот броела најмалку седум лица. Обвинителството наведе дека од винарската визба „Газда Ѓоко“ во Мрзенци купиле готово вино, дополнително го одлежале во барик буриња за да развијат специфичен француски карактер, а потоа го пласирале како Шардоне под етикетите на познатите винарии од Бургундија.
Францускиот енолог Теле Репомаше, кој работи за една од винариите чии сопственици се обвинети за фалсификување бургунди со заштитено географско потекло, застана во одбрана на својот работодавец, а исто така им упати висок комплимент на вината од Македонија.
„Едноставно, немаме доволно вино, и никој не се занимава со тој проблем. Кога ја пробавме македонската смедеревка во локално балканско бистро на пат кон Грција, сфативме дека може да биде одлична алтернатива. Тоа е феноменално, тие имаат многу карпест тероар, соленоста и минералноста се неверојатни. Како да одолееме, особено по таа цена“, се прашува Репомаше.
Тој додаде дека се шокирал кога видел дека балканците ги пијат овие вина измешани со газирана вода и, како што рече, со некаква плескавица на скара на јаглен.
Како што објавија француските медиуми, сопственикот на винарија во Македонија, не знаел за идната намена на неговите вина.
„Да, се шокирав кога слушнав дека нашата смедеревка се продава за повеќе од 250 евра по шише. Па, ние го продадовме тоа вино за 50 евроценти“, вели Ѓоко Трпески, сопственик на винаријата во центарот на овој голем скандал што неочекувано ги поврза винарите од Франција и Македонија.
(Првоаприлска шега на колегите од Србија од порталот Виноифино)
