Мензата ќе остане затворена се до добивање на конечните резултати, а во меѓувреме инспекторите наредиле вонредно чистење и дезинфекција на објектите и опремата и санитарни прегледи за сите вработени.
Контролата била спроведена во координација со Центар за јавно здравје Битола, Институт за јавно здравје и Државен санитарен и здравствен инспекторат. При надзорот биле земени мостри од храна, како и брисеви од работни површини, како и од рацете и носот на вработените лица затекнати во кујната.
Согласно Националниот протокол за постапување во случај на сомнеж за алиментарни инфекции и интоксикации, кујната е привремено затворена. Надлежните изрекле забрана за подготовка и послужување храна сè до завршување на инспекциската постапка и добивање на резултатите од лабораториските анализи.
Дополнително, наложено е вонредно чистење и дезинфекција на објектите и опремата, како и спроведување на санитарни прегледи за сите вработени.
Како што вчера објавивме, осумдесет и едно лице, вработени во РЕК Битола, денеска до 15 часот побарале лекарска помош во ЈЗУ Клиничка болница Битола поради стомачни проблеми.
