„Утринско кафе во Приштина, со лидерот на народот, татковината и албанската нација, мојот пријател Али Ахмети и генералниот секретар на ДУИ, Фатон Ахмети“, напиша Сулејмани во објавата на фејсбук.
Во објавата не пишува која е причината поради која лидерот на ДУИ, Али Ахмети денеска е во посета на Косово. Во придружба на Ахмети е генералниот секретар на ДУИ, Фатон Ахмети.
Посетата на Ахмети на Косово доаѓа откако државата ја напушти поранешниот прв вицепремиер, Артан Груби.
Груби замина во Приштина викендов, непосредно пред почетокот на полициската акција и претресот во неговиот дом. Подоцна, во објава на својот фејсбук-профил, тој напиша дека е во приватна посета на Косово и дека не е избеган од државата. Откако ќе ги завршел приватните обврски, напиша Груби, тој ќе се врател во Македонија.
Инаку Груби веќе ангажирал адвокат и според неофицијалните информации се обидува да издејствува наместо притвор да му бидат изречени или домашен притвор мерки на претпазливост, по што би се вратил во Македонија.
