Градоначалникот изјави дека протестите на граѓаните се сосема оправдани и се извини за неговата претходна изјава дека во организацијата на овие настани инволвирани се и партиски лица.
Тој исто така се извини за сериозните проблеми со загадувањето на воздухот, но нагласи дека тоа не е во негова надлежност. Сепак, додаде Митевски, ќе стори сѐ што е можно за позитивен одговор на барањата на граѓаните. За утре наутро Митевски се договори заедно со претставници на лицата што протестираат да отидат на Вардариште.
Протестоте на жителите на Аеродром и на Ново Лисиче продолжуваат и денеска во 18 часот, а најавени се и протести во Маџари.
