Ѓорѓиевски информираше дека денеска, заедно со министерката за образование Весна Јаневска, градоначалничката Бети Стаменкоска-Трајкоска и Граѓански здруженија, го посетиле просторот каде што оваа идеја треба да стане реалност.
„Центарот ќе биде лоциран во Драчево. Нашите планови се темелно да се реконструираат веќе постоечките објекти, а паралелно да се постават и нови, современи и целосно прилагодени простори. Ќе се изградат и нови игралишта.Грижата за лицата со попреченост не смее да биде само декларативна. Таа мора да се гледа, да се чувствува и да значи сигурност за нив, но и за нивните семејства. Токму затоа, Град Скопје како основач, заедно со Министерството за образование и наука, Министерството за социјална политика, демографија и млади и Општина Кисела Вода, го започнуваме овој процес во кој активно ќе бидат вклучени и здруженија и фондации. Ова е чекор со кој покажуваме дека овие категории граѓани не се заборавени и дека нивното достоинство и квалитет на живот се наш приоритет“, напиша Ѓорѓиевски.
