Најголемата број на откази, 170, се евидентирани во „Паркови и зеленило“ и во „Комунална хигиена“.
Ѓорѓиевски категорично изјави дека „прошка и милост нема да има за никого“ и ги повика надлежните институции да влезат во претпријатијата и да ги истражат овие случаи, најавувајќи дека ќе бара одговорност без оглед на партиска, верска или национална припадност.
Тој најави дека списоците со имиња и презимиња на овие лица ќе бидат јавно достапни. Активностите за откривање на злоупотреби во јавните градски претпријатија ќе продолжат и во наредните денови, подвлече Ѓорѓиевски.
Тој додаде дека вечерва до него дошла информација за други злоупотреби, поткрепени со документи.
„Изминатиот период биле ангажирани возила за чистење во ‘Комунална хигиена’ и тие возила се плаќани на име на физички лица за интелектуални услуги, во износ од 5 до 10 илјади евра. Повикувам да се вклучат надлежните институции и да ја испитаат работата. Јас најавив дека ќе има одговорност и ревизија и еве вечерва ве информирам дека имаме сериозни индиции за прекршување на законите, особено во ‘Комунална хигиена’“, рече Ѓорѓиевски.
