„Веќе неколку дена се спроведува акција за кастрење на нараснатата вегетација, како и уредување на велосипедските патеки со ширина од 2,5 до 3 метри и должина 5 километри, со што значително се подобрува безбедноста и удобноста за сите посетители.
Дополнително, издаден е налог до ЈП Паркови и зеленило за целосна реконструкција на урбаната опрема – обновување на клупите, кантите, мостчињата, патеките и останатите елементи, со цел Водно да добие уреден, безбеден и современ изглед, достоен за сите посетители“, нагласува Георгиевски.
Во насока на зголемена безбедност а во соработка со Црвениот крст, во текот на летниот период ќе има континуирано присуство на спасители-волонтери, подготвени да интервенираат во евентуални непредвидени ситуации.
„Активностите на терен ги реализираат екипи од јавните претпријатија, кои се ангажирани секојдневно во одржување, уредување и заштита на просторот, со зголемен интензитет токму во овој период. Остануваме посветени на заштитата и унапредувањето на Водно како едно од најзначајните природни богатства и омилено место за рекреација на граѓаните“, порача Георгиевски.
