На денешниот протестен марш организиран од родителите на настраданите во трагедијата во Кочани, кој се одржа пред Собранието на Македонија, беше упатен јасен повик до народните избраници да излезат пред нив и да ги поддржат во нивната борба за правда.
На овој повик одговорија пратениците на СДСМ, предводени од претседателот на партијата и пратеник, Венко Филипче. Откако се смирија страстите и емоциите, Филипче и пратениците на СДСМ застанаа зад родителите, изразувајќи солидарност и поддршка.
Во своето кратко обраќање, Филипче истакна дека пратениците на СДСМ, како луѓе и како претставници на граѓаните, стојат зад семејствата настраданите, без никакви политички калкулации и без партизација на трагедијата и болката на семејствата.
