Утрово, до 7 часот, сообраќале само две железнички линии, кон Битола и кон Гевгелија, а од 7 часот сообраќајот е во целосен прекин, изјави Душко Чакаровски, претставник на машинскиот персонал.
Чакаровски вели дека прекинот на работата е во согласност со одлуката донесена во ноември минатата година која предвидува најдоцна до 25-ти во месецот на машинскиот и извршниот персонал да им биде во целост исплатена платата за претходниот месец, а најдоцна до 10-ти во месецот да ги добијат и парите за материјалните трошоци.
