Како што соопшти владината прес-служба, одлуката за ограничување на извозот на овие стоки е донесена како превентива за да се избегнат шпекулативни дејствија на трговците и производителите и за заштита на домашното производство, домашниот пазар и граѓаните.
„Оваа одлука е донесена како реципрочен одговор на сличните мерки што ги донесоа земјите во регионот“, се наведува во соопштението.
Во образложението за оваа одлука Владата напоменува дека во земјава количини на пченица и пченка во приватните млинови, кои се различни од стоковите резерви, има доволно. Тука станува збор за количини за покривање на домашните потреби, односно во млиновите во земјата има над 50.000 тони залихи од пченица, преку 10.000 тони пченка и над 8.000 тони јачмен, што се должи и на растот на домашното производство на пченица од 195 илјади тони во 2017 година, на 253 илјади тони во 2021 година.
од Владата додаваат дека стоковите резерви на основните производи како што се пченица, пченка, јачмен, сончогледово масло, нафтени деривати, и другите производи, ги има во доволни количини и нема потреба од дополнителна интервенција.
