„Намалување на цената на електричната енергија сигурно дека нема да има. Напротив, ќе има поголеми покачувања на цената на струјата и затоа време е да се насочиме кон поголема енергетска ефикасност“, истакна министерот Сарачини на денешната прес-конференција.
Замена на старите светилки со нови енергетски поефикасни, изолирање на прозорците и таваните во домовите, купување апарати за домаќинство со поголема енергетска ефикасност се само дел од мерките за поголема заштеда на струја што ги предлага Министерството за економија, а се содржани во новата брошура „Штеди, вклучи го мозокот, исклучи ја струјата“.
„Со поефикасно затоплување, поефикасна изолација и поефикасно осветлување може да заштедиме од 20 до 40 проценти од трошоците за енергија, а државата може да заштеди околу 700 гигавати-часа“, посочи Сарачини.
Министерството за економија за годинава има одвоено шест милиони денари за субвенции за сончеви колектори. Оваа активност ќе почне да се реализира од февруари и за разлика од лани, изборот ќе биде потранспарентен.
Цената на струјата уште ќе расте, граѓаните да штедат!
Објавено на
часот
