На денешната средба во Стопанската комора на Србија, Чадеж и Азески го поздравија поставувањето на таблата Отворен Балкан на граничниот премин Прешево-Табановце, која на компаниите кои имаат систем за овластување ОЕО им овозможува побрз транспорт и премин без одлагање.
„Целта на иницијативата Отворен Балкан е да се забрза протокот на стоки и да се создаде единствен пазар на труд, што ќе создаде подобри деловни услови и ќе придонесе за поголем економски развој и подобар животен стандард“, се согласија Чадеж и Азески.
Тие исто така посочуваат дека билатералната соработка меѓу двете земји и двете комори, како и регионалната соработка во рамките на Отворент Балкан и Коморскиот инвестициски форум на Западен Балкан е најдобриот начин да ги заштитиме нашите економии од глобалната криза предизвикана од ситуацијата во Украина. По повод обиколката на преминот, претседателите Чадеж и Азески ќе се сретнат и со бизнисмени од Србија и од Македонија.
Претседателите на двете комори истакнаа дека бизнис асоцијациите се секогаш отворени за поддршка на стопанствениците за успешно да се надминат сите деловни предизвици и што поскоро да се остварат предностите што ги нуди Отворент Балкан.
Беше посочено дека малите и средни претпријатија од Македонија и Србија, составени од 30 избрани компании од земјоделско-прехранбената индустрија (со фокус на органското производство и циркуларната економија), ќе бидат дел од заедничката делегација на бизнисмени од Западен Балкан Мостар од 5 до 7 април.
Иницијативата за поинтензивна соработка на Западен Балкан во 2019 година ја покренаа тројца лидери – српскиот претседател Александар Вучиќ и премиерите на Албанија и Македонија Еди Рама и Зоран Заев со цел слободно движење на стоки, услуги, луѓе и капитал. според моделот на ЕУ. Иницијативата покрената под името Мини Шенген е преименувана во Отворен Балкан и отворена е покана за сите во Западен Балкан да ѝ се придружат.
