Во однос на набавките кои ги направила Службата за општи и заеднички работи (СОЗР) која ги опслужува сите институции како Владата, Собранието и Претседателот на државата, таа оцени дека податоците се јавни и јасно може да се види на што се трошени средствата.
Таа подвлече дека во однос на трошењето на јавните средства е најважно дали постои злоупотреба на средствата, како тоа да се контролира и дали се намалени несуштинските трошоци.
Сите субјекти имаат обврска да се однесуваат одговорно кон општото добро, подвлече вицепремиерката Грковска, и додаде дека актуелната Влада покажа пример како се штеди по сите ставки во Буџетот и како се насочуваат средствата во програми за поддршка на граѓаните и стопанството.
