Според податоците на Државниот завод за статистика, во 2022 година во јавниот водовод биле зафатени и преземени 300.116 илјади м3 вода за снабдување, што е за 2 % помалку во однос на 2021 година. Од вкупното зафатено количество вода, најмногу вода, 63.8 %, е зафатено од изворски води, а најмалку, 0.9 %, од езера.
Вкупното количество испорачана вода од јавен водовод во 2022 година било за 1.8 % повеќе во однос на претходната година. Според структурата на потрошувачката на вода, најголеми потрошувачи биле домаќинствата, кои потрошиле 67. 0 % од вкупната испорачана вода од јавен водовод.
