Младите, помогнати од граѓаните кои се приклучуваа на акциите, собираа најразличен отпад. На повеќе локации се собираше отпадот, а беше спроведека и креативна акција „Езерото не е корпа за отпад“ за која беа изработени транспаренти со еколошки пораки за заштита на Охридското Езеро. Исчистените плажи се обележаа со еко-знамиња како еколошко-чисти плажи. Целта пред сѐ е подобрување на состојбата на животната средина и подигнување на свеста за зголемена заштита на Охридското езеро и крајбрежјето“, велат од здружението „Нова порта“.
Од спортскиот клуб „Соларис“ кои беа дел од еко-активностите велат дека еколошките акции пред сѐ имаат едукативна намена, а практичните примери се најважни во борбата за заштита на животната средина.
Беа организирани и едукативни еко-работилници. Од „Нова порта“ велат дека проектот од друга страна придонесе да се остави чиста слика пред бројните туристи кои престојуваат во Струга.
