Во април годинава Финансиската полиција и Јавното обвинителство извршија претрес во прилепската болница. Се проверуваа сомнителни јавни набавки за болницата.
„Основното јавно обвинителство Прилеп постапува во предистражна постапка поради сомневања за кривично дело злоупотреба на службена положба и овластување, а поврзано со финансиското работење на болницата. Обезбедени се наредби за претрес на осум локации, а дејствата ги презема Управата за финансиска полиција. По претресите, предистражната постапка ќе продолжи со други дејствија за обезбедување докази“, соопштија на 15 април од ОЈО.
ЈЗУ општа болница со проширена дејност во Прилеп во последните четири години склучила 635 договори преку системот за јавни набавки. Најголем дел од нив се направени лани, во 2024.
