Меѓу активните пожари се огнот во повеќенаменското подрачје „Јасен“ во Општина Македонски Брод, пожарите во селата Свиларе и Радуша кон Дворце во Општина Сарај, како и шумскиот пожар меѓу селата Сенокос и Горјане во Општина Врапчиште. Активни огнени линии има и во селото Крапа (Македонски Брод), во близина на кланицата во Општина Долнени и кај селото Големо Коњари (Прилеп).
Под контрола се пожарот кај селото Нерав, во месноста „Биљино“ (Крива Паланка) и огнот кај селото Челопеци (Кичево).
ЦУК информира дека целосно изгаснати се пожарите во Чешиново, во месноста меѓу Челопеци и Миокази, во Куманово кај „Дива населба“ и на повеќе локации во Јегуновце, Радовиш, Долнени, Кривогаштани и Брвеница.
Надлежните апелираат граѓаните да бидат максимално внимателни, да избегнуваат палење на отворено и веднаш да пријават доколку забележат пожар, за да се спречат поголеми штети врз природата и имотот.
