„Овој чекор е директна последица од укинувањето на Балансерот – механизам што досега беше клучен за обезбедување еднаквост и мултиетничка застапеност во институциите“, велат од ДУИ.
Од партијата предупредуваат дека наместо напредок, се соочуваме со намерно и систематско влошување на состојбата. „Станува збор за тешко кршење на Уставот и принципите од Охридскиот рамковен договор. Ваквите практики го подриваат демократскиот соживот и се во спротивност со европските вредности за кои како држава се стремиме“, додаваат од ДУИ.
ДУИ испраќа итен повик до, како што ја нарекуваат, „моноетничката влада“ да го прекине овој опасен тренд и итно да ги врати механизмите на еднаквост и правда во јавниот сектор.
„Што се однесува до остатоците од ВЛЕН во Владата – нив никој не ги прашува, ниту пак имаат глас во институционалните одлуки. Тие се сведени на неми соучесници, без никаков авторитет или влијание. Со својата тишина и покорност, единствено што прават е да ја легитимираат оваа дискриминаторска власт“, велат од партијата.
ДУИ потенцира дека оваа влада има погрешен правец и испраќа јасна порака: „Албанците не смеат да бидат неми жртви, туку активни носители на отпорот.“
