Договорот го потпишаа генералниот директор на Фондот за здравствено осигурување, Сашо Клековски и деканот на Природно-математичкиот факултет, Даворин Трпески.
Досега во Македонија не се правеше испитување на ембрионот, за да се дознае дали е тој здрав. Клековски вели дека со оваа нова метода ќе се испитува дали новиот ембрион, пред да се всади во матката на мајката е здрав и нема никакви генетски заболувања. Со ова ќе се зголеми успешноста на ин витро оплудувањата и можноста на свет да се донесе здрав плод. За оваа процедура од ембрионот ќе се земаат само неколку клетки.
Со денешниот договор ќе се извршуваат ен-ги-о проверки, кои досега се работеа на Медицинскиот факултет и во МАНУ, а отсега ќе се спроведуваат и на ПМФ. За таа намена наскоро ќе биде објавен тендер за набавка на материјали.
