„Ние ќе мора да ги испорачаме овие обврски. Добро е што има период на прилагодување кога ќе треба на направиме реструктуирање на буџетот и да ослободиме средства од буџетот за одбраната. Неспорно тоа е голем предизвик, но ние сме членка на НАТО и имаме обврски кои треба да ги испорачаме“, рече Димитриеска-Кочоска во емисијата „Вин-Вин“ на телевизија Телма.
Земјите членки на НАТО вчера на самитот во Хаг се обврзаа да инвестираат по пет отсто од националниот БДП годишно за основните потреби за одбраната и безбедноста до 2035 година.
