За разлика од досегашните, овој протестен марш во Кочани ќе почне во 18:05 часот како симбол на задоцнетата реакција на институциите.
Организаторите на маршот истакнуваат дека тој истовремено е и за поддршка на повредените во трагедијата и ги повикуваат нивните блиски, роднини и пријатели, да се придружат. Протестот е со единствена цел да се добие правда за сите кои настрадаа во пожарот, за којшто, како што вели организаторот, не е несреќен случај, туку масовно убиство.
Учесниците на маршот ќе тргнат од Паркот на револуцијата, ќе продолжат низ трговскиот центар, потоа пред Општина Кочани, а оттаму кон Полициската станица и Основниот суд и Обвинителството.
Организаторите ги покануваат сите граѓани, кои даваат поддршка на нивните барања, да им се придружат.
