Марковски ќе ја претстави својата кандидатура на прес-конференција, утре во 9:30 часот пред споменикот на Гемиџиите кај Камениот мост, во центарот на Скопје.
„Професор д-р Горан Марковски е истакнат интелектуалец и борец за безбедно и убаво Скопје. Заедно да му дадеме шанса на градот, шанса да го водат стручни лица со храбро лидерство и визија за поубав град по мерка на човекот“, велат од „Независни заедно“.
Проф. д-р Горан Марковски e професор и декан на Градежниот факултет при УКИМ во Скопје. Член е на Катедрата за бетонски и дрвени конструкции. Дипломирал на Градежениот факултет-Скопје во 1986 година, магистрирал во 1994 година а докторирал во 2003 година.
Досега кандидатура за градоначалник на Град Скопје објавија ВМРО-ДПМНЕ со актуелниот градоначалник на Кисела Вода, Орце Ѓорѓиевски, СДСМ со потрпетседателката Каја Шукова и Левица со пратеникот, Амар Мециновиќ.
