„Најтежок за гасење е пожарот кај Македонски Брод што се движи кон националниот парк Јасен. Пожарот го гасат неколку воздухоплови и 50 припадници на Армијата, пожарникари и вработени во Национални шуми“, изјави Ангелов.
Другите активни пожари се во општините Пласница, Чашка и Долнени.
Според Ангелов под целосна контрола се ставени пожарите на планината Серта и тоа кај селата Селце и Пухче, над воениот полигон Криволак, во Македонски Брод кај селата Дивеч и Слатина како и во општина Чашка кај местото познато како Мукос.
„Целосно се изгаснати пожарите во општина Ново Село кај селото Бадиле, пожарот во општина Старо Нагоричане и оној кај неготинското село Калањево“, информираше Ангелов.
