„Знам дека нема секогаш да биде едноставно. Ќе се појавуваат пречки и ќе има моменти кога ќе биде тешко. Но сигурен сум, ако сме заедно, ќе успееме! Доаѓа време кога повеќе нема да се прашуваме дали може подобро. Тоа подобро ќе стане нашето секојдневие, во секое маало, во секое населено место од нашето Крушево. Крушево е симбол на историја и гордост. И таа гордост треба да стане двигател на нов развој, сигурност и надеж“, рече Чонески.
Тој на крушевчани им вети многу вложен труд.
„Ветувам дела и конкретни проекти. А она што ќе го ветам, ќе биде исполнето! Нашиот успех ќе биде вистински само ако е заеднички. Затоа ве повикувам да застанеме еден до друг и да изградиме Крушево кое ќе го оставиме како најголемо наследство на идните генерации. Со љубов и посветеност кон Крушево, започнуваме нова победничка приказна!“, изјави Чонески.
