Стојанче Ангелов, директорот на Дирекцијата за заштита и спасување утрово изјави дека пожарот почна да се шири кон објектите на ловиштето Јасен и кон ресторанот на брегот на езерото Козјак.
„Пожарот се шири кон селото Брезница и кон Скопје. Но, засега противпожарните препреки, појасите што беа направени го спречуваат тоа и не дозволуваат огнот да се префрли кон другата страна. Утрово почнавме да правиме нов противпожарен појас. На терен веќе делуваат полицискиот и армискиот хеликоптер, а наскоро ќе полетаат и ер-тракторите на ДЗС“, изјави Ангелов.
