Како што се наведува во соопштенито, Судот, ценејќи ги сите околности поврзани со истрагата, и покрај даденото позитивно мислење на јавниот обвинител, смета дека во овој момент сѐ уште постојат околностите за постоење на определената мерка притвор од точка 2 од чл. 165 ст.1 од ЗКП, односно околности кои укажуваат дека лицето може да ја попречи истрагата со влијание на сведоците како и дека може да сокрие, фалсификува или уништи трагите на кривичното дело, од причина што истражната постапка сеуште е во тек и се уште се преземаат други истражни дејствија за прибирање докази.
„Ова дотолку повеќе што Кривичниот совет го продолжил притворот на осомничениот по доставен предлог на ОЈО ГОКК од 8 април токму поради постоење на причините предвидени во чл. 165 ст.1 т. 1 и 2 од ЗКП“, се наведува во соопштението од Основен кривичен суд Скопје.
Понудената гаранција беше имот вреден околу еден милион евра и исто толку пари на банкарски сметки.
Против ова решение странките имаат право на жалба пред Апелациониот суд Скопје во рок од 3 дена од приемот на истото.
