Артан Груби, пред повеќе од една година избега од државата затоа што заедно со поранешниот директор на Државна лотарија, Перпарим Бајрами, е осомничен за криминал од осум милиони евра за нарачка на ВЛТ-апарати.
„Очекуваме процесот да се одвива во согласност со највисоките стандарди на владеење на правото – со високо ниво на транспарентност во интерес на јавноста, но пред сè со целосно почитување на презумпцијата на невиност и со заштита на индивидуалните права и слободи. ДУИ останува непоколеблива во ставот дека правдата мора да биде еднаква за сите, без селективност, без двојни стандарди и без политички влијанија. Само правична и професионална постапка ѝ служи на вистината, на институциите и на довербата на граѓаните“, велат од ДУИ.
МВР рано утрово на граничниот премин Блаце го уапси Груби, кој заедно со поранешниот директор на Државна лотарија Перпарим Бајрами се осомничени за сторен криминал од осум милиони евра преку нарачка на ВЛТ апарати. Груби избега од Македонија во декември 2024 година, непосредно пред да почне полициската акција против него.
