Тој информира дека во Јасен на терен се специјалци и од армијата и од полицијата, пожарникари од Македонски Брод и екипи на ЈП Јасен и Национални шуми.
Активен е и пожарот кај село Церово, Општина Маврово и Ростуше, каде делува еден ер-трактор.
„Очекувам овој пожар набрзо да биде ставен под контрола. Пожарот кај Беловодици, Прилеп, беше изгаснат, но денеска е повторно реактивиран или некој го реактивира. И пожарот кај Студеничани на планината Китка беше изгаснат, но повторно е реактивиран или некој го реактивира“, изјави Ангелов.
Кај Долнени гори трева и ниска вегетација, во Струшко гори кај селото Подгорци, а во Боговиње има пожар кај Ловјане.
