АНБ достави три известувања до Јавното обвинителство против поранешен директор и група вработени за незаконско следење на опозициски лидер и на повеќе медиуми во периодот од 2019 до 2024 година.
Истиот период незаконски биле следени и јавен обвинител, поранешен министер од тогашната влада, како и неколку новинари, велат извори во АНБ.
Внатрешната истрага на АНБ, спроведена по смената на власта и по доаѓањето на новиот директор Бојан Христовски, открила дека биле оформени предмети за оперативни обработки насочени кон медиуми и новинари. Нивната работа, според заклучоците на тогаш вработените во АНБ, била оценета како закана со цел уривање на власта.
Внатрешната истага исто така покажала дека се вршеле и намерни одолговлекувања на безбедносните проверки за поединци кои чекале безбедносни сертификати.
Со АНБ во спорниот период раководеле Виктор Димовски и Заре Милошевски.
