Академијата за здравство за новинари почнува во септември. Healthcare Hub на Амчам е едукативна платформа воспоставена преку Комитетот за здравство, со цел да поттикне практична размена на знаење и да ги зајакне капацитетите на сите чинители во здравствениот систем.
Преку тематски обуки и програми за учење, платформата се фокусира на прашања поврзани со регулативата, иновациите, јавните политики и пристапот до здравствена заштита.
Академијата за здравство за новинари е првата пилот-обука во рамките на Healthcare Hub, наменета за медиумски професионалци кои известуваат за здравствени и општествени теми и се реализира во соработка со М6 Едукативен центар.
Оваа програма има за цел да понуди практични знаења и алатки за новинарите, преку пристап до експерти, податоци и реални примери од праксата.
Обуката се базира на анализи на случаи поврзани со ретки болести, преку кои се доближуваат пошироки теми и предизвици од здравствениот систем – на начин што е разбирлив, релевантен и веднаш применлив во новинарската работа.
Ќе бидат опфатени теми како организација и правна рамка на здравствениот систем, лекови и механизми за јавно финансирање, буџетирање и јавни набавки во здравството, улога на податоци и дигитализација, пристап до услуги и права на пациентите…
Обуката ќе трае 2 месеци, а по завршување на програмата учесниците ќе добијат официјален сертификат од М6 Едукативен центар.
