„Со труд, визија и посветеност- чкор по чекор- заедно ја градиме иднината. Гласај со срце, избери со разум”, напиша Стерјовски на социјалните мрежи објавувајќи примерок од постерот.
Стерјовски, како кандидат на МАЕИ, е на отворената листа во изборната единица (ИЕ) Корча, на Социјалистичката партија на Еди Рама, која на овие избори коалицира единствено со македонската партија.
Во меѓувреме, Централната изборна комисија на Албанија објави едукативен флаер „Чекори за гласање” на македонски јазик и на неговото кирилско писмо.
Всушност тоа е упатство за начинот на гласање, односно сите потребни чекори во постапката на остварување на гласачкото право.
Идентични флаери се објавени и на јазиците на останатите осум национални малцинства, кои се признати со Законот за национални малцинства од 2017 година.
