Активни пожари има во Oпштина Прилеп, кај село Беловодица – место викано Ливада и село Лењиште, каде е зафатена букова шума и во општина Долнени, кај селата Стровија и Долгаец, каде гори мешана шума.
Под контрола е ставен пожарот во ловиштето Јасен, каде гореше мешана шума.
Во скопскиот регион изгаснати се пожарите на територија на општина Сопиште: кај браната на езерото Козјак (ниска вегетација и шума) и во општина Студеничани, селата Горно Количани и Драчевица – планински врв Китка (мешана шума).
Изгаснати се пожарите и во Кичево: село Душегубица (ниска вегетација и ниска шума), Велес: село Клуковец (ниска вегетација), Росоман: село Дебреште (ниска вегетација) и во општина Демир Хисар: село Кутретино (депонија).
