Ангелов уверува дека засега овој пожар воопшто не ја загрозува Битола и дека граѓаните воопшто не треба да паничат.
„Вечерва заседаваше кризиниот штаб кој донесе неколку одлуки во насока на полесно справување со оваа огнена стихија. Повеќе од 130 пожарникари доброволци како и противпожарните возила на ТТПЕ Битола и на Јавното претпријатие Водовод се на терен така што нема опасност пожарот да се развие во насока на Битола. Јас сум оптимист дека до наутро ќе го ставиме под котрола. Доколку во текот на ноќта не успееме да воспоставиме контрола над пожарот рано наутро ќе упатиме неколку летала кои што ќе помогнат во гаснењето на пожарот“, изјави Ангелов.
