„Не постои никаков ангажман на агенцијата во креирање соопштенија, прес-конференции или каква било комуникациска поддршка за СДСМ.
Сите тврдења за ‘штанцање лажни соопштенија’, ‘центар за лаги’ или ‘надворешна ПР машинерија’ се целосно невистинити и немаат никаква основа во факти. Посебно нагласуваме дека немаме никаква врска со Зоран Башановиќ. Тој не е дел од нашиот тим ниту сме имале каква било соработка со него.
‘Ај медија’ се занимава исклучиво со односи со јавност, корпоративни комуникации и стратешко советување, а не со естрада, музика или менаџмент на изведувачи. Работиме целосно транспарентно, во согласност со етиката на ПР струкава. Сите евентуални идни соработки со политички партии во регионот ќе бидат транспарентни и јавни“, се вели во демантот на агенцијата.
