Премиерот Христијан Мицкоски истакна дека оваа програма е продолжение на едно плодотворно и успешно партнерство, засновано на заемна доверба и визија за заедничка иднина.
„Оваа програма претставува продолжение на нашето успешно и плодотворно партнерство, засновано на заемна доверба, вредности и визија за иднината“, изјави премиерот.
Тој упати благодарност до Швајцарската Конфедерација за досегашната и идната поддршка на Македонија во клучни сектори за развојот на државата.
„Во име на Владата и граѓаните, изразувам длабока благодарност до Швајцарската Конфедерација за досегашната, но и за идната поддршка. Заедно градиме стабилна, зелена и праведна иднина за нашите граѓани“, објави Мицкоски.
Преку оваа нова програма, Швајцарија повторно ја потврдува својата посветеност за поддршка на развојниот пат на Македонија и зајакнување на демократските процеси, заштитата на животната средина и поттикнување на инклузивен економски раст.
