„Притворањето е продолжение на акцијата од 25 август, кога беа притворени седум лица, како резултат на сложена предистражна постапка спроведена од страна на Управата за финансиска полиција, под раководство и во координација со надлежен јавен обвинител од ОЈО ГОКК. Во рамки на акцијата беа преземени низа мерки и активности и беше обезбеден обемен доказен материјал, што резултираше со поднесување на кривична пријава против 13 физички лица и 10 правни лица, за сторени кривични дела: злосторничко здружување, даночно затајување, даночна измама и перење пари и други приноси од казниво дело, со што е предизвикана огромна штета на државниот буџет во висина од над 430 милиони денари“, прецизираат од Управата.
30 дена притвор за Косовар, дел од група против која УФП води истрага за злосторничко здружување, даночни измами и перење пари
На граничниот премин „Долно Блаце“ вчера, при обид за влез во Македонија, уапсен е С.А., државјанин на Косово, за кој постои основано сомнение дека сторил кривично дело злосторничко здружување и кривично дело даночно затајување. Од страна на овластени службени лица од Управата за финансиска полиција осомничениот веднаш е преземен и изведен пред судија на претходна постапка кој му определи мерка притвор во времетраење од 30 дена, по што е спроведен во КПУ Куманово, информираат од Управата за финансиска полиција (УФП).
Објавено на
часот
