Хари Наковски дебитираше со пораз на селекторската позиција на Македонија, но неговите одбојкари не разочараа иако е впечаток дека имаа простор да прикажат и повеќе.
Естонија подобро го отвори натпреварот и го доби првиот сет со 25-23. Македонија одигра доминантен втор сет, рано ги откажавме Естонците и на крајот убедливо го освоивме со 25-14 со што израмнивме на 1-1.
Добро го почнавме и третиот сет, но Естонија во средината успеа да направи предност, да се одалечи и да го добие со 25-19. Во четвртиот имаше голема борба, финишот сепак им припадна на Естонците кои го добија сетот со 25-22 и го заклучија мечот со 3-1 во сетови.
Следниот меч на Македонија е во недела повторно во Струмица, овојпат противник ни е Чешка. Утре на програмата е дуел меѓу Естонија и Чешка.
