петок, 21 јуни 2024

Македонија ја растури Бугарија, победа од 29 поени разлика

Објавено на

часот

Сподели

Македонија лошо го почна мечот, но таква беше само првата четвртина која Бугарите ја добија со 18-15. Во продолжението се беше на наша страна, резултатот го свртевме уште во вториот период, на полувремето заминавме со водство од 40-33. 

Во вториот дел нашите кошаркари го зголемуваа водството за на крајот да слават со убедливи 83-54.

Теодор Симиќ со 21 поен беше најефикасен во нашиот состав, Андреј Митревски постигна 19 поени, двоцифрен беше и Марин Петков со 11 поени.

По три одиграни натпревари во групата „А“, Македонија има скор од две победи и еден пораз.

Еден пораз, засега, имаат и репрезентациите на Чешка и на Бугарија. Но Бугарите го затворија своето учество во групата со ефект (3-1), додека Чешка (скор 2-1) во последниот круг од натпреварите ќе ги одмери силите со репрезентацијата на Словачка.

Со победа над Ирска, Македонија ќе биде првопласирана, а ако Чешка ја совлада Словачка, ќе биде вториот патник во друштвото на осумте најдобри на шампионатот во Скопје.   

ТОП ВЕСТИ

ПОСЛЕДНИ ВЕСТИ