Под раководство на Окружното обвинителство во Ќустендил се води истрага за шверц на наркотични супстанции преку граница.
На 18 декември 2024 година, околу 22:30 часот, на влезот за камиони на граничниот премин (ГП) Ѓуешево пристигнале две товарни возила со регистарски таблички од Македонија, натоварени со руда за Турција.
Царинските инспектори ги селектирале возилата за детална контрола. Во приколката на вториот камион биле пронајдени специјално изработени скриени прегради во дрвените хоризонтални рамки. Во нив биле откриени 320 пакети со наркотична супстанца марихуана, со вкупна тежина од 137,045 килограми.
Возачите на камионите, македонските државјани Г.Н. и И.М., се осомничени и обвинети во постапката.
Со одлука на јавниот обвинител, лицата се задржани во притвор во траење од 72 часа. Во наредниот период ќе биде побарано судско определување мерка „притвор“ за обвинетите.
