вторник, 5 март 2024
НБА

Мајами го исфрли Милвоки – најдобриот тим во регуларниот дел од сезоната (ВИДЕО)

Објавено на

часот

Сподели

Милвоки како најдобар се пласираше во плејофот, но таму се сопна на првата пречка. Мајами уште еднаш покажа дека како одминува сезоната игра во се подобра и подобра форма.

Во последниот период Милвоки влезе со 16 поени предност, но Мајами го стопи водството на противникот и се избори за продолжение, а во него беше подобар за конечен резултат од 128-126.

Батлер продолжува со одличните игри, овојпат постигна 42 поени. Одлична партија имаше Адетокумбо кај Милвоки со 38 поени и дури 20 скокови, но тоа не беше доволно за да се остане во игра, одличен беше и Мидлтон со 33 поени.

Конференциско полуфинале избори и Њујорк кој со 106-95 славеше на гостувањето кај Кливленд и ја доби серијата со 4-1. Брансон со 23 поени беше најдобар кај Њујорк, Мичел постигна 28 поени за Кливленд.

Лејкерс не ја искористи првата меч топка, загубија на гостувањето кај Мемфис со 116-99. Тимот од Лос Анџелес води со 3-2 и во следниот меч на свој терен ќе брка пласман во следната фаза. На овој меч, Бејн од Мемфис беше најдобар со 33 поени и 10 скокови, Џа Морент постигна 31 поени, имаше и 10 скокови, во составот на Лејкерс, Дејвис постигна 31 поен, имаше и 19 скокови.

Голден стејт направи брејк против Сакраменто, победи на гостински терен со 123-116 и поведе со 3-2. Стеф Кари со 31 поен беше најдобар, кај домаќините Фокс реализираше 24 поени.

Кливленд – Њујорк 95-106 (1-4), Мемфис – ЛА Лејкерс 116-99 (2-3), Милвоки – Мајами 126-128 (1-4), Сакраменто – Голден стејт 116-123 (2-3).

ТОП ВЕСТИ

ПОСЛЕДНИ ВЕСТИ