Фото: П.Џ.
Нема ветер, нема како воздухот да се проветри. Индустријата, сообрајот и греењето на домовите на дрва, ќумур, масло, парчиња мебел, текстил, пластика, гума, го трујат воздухот, а канцерогените честички лебдат во воздухот и се тука пред нас. Го дишеме овој воздух.
Ригорозни мерки против загадувачите на воздухот нема, има мерки според законските одредби и соодветниот капацитет на инспекциските служби. Но брзи мерки за градот нема, нема ниту долгорочни мерки за населението, кое е со низок стандард, како еколошки да ги загрева своите домови. Парното греење го користат помал дел од скопјани.
Ако се погледне и домашната интернет страница Еко-плус, ќе се види дека делови од Скопје би можеле да бидат првопласирани на интернет страница за големи градови во светот. Како на пример, Маџир Маало. Таму воздухот, како што може да се прочита, е позагаден и од просекот на загаденоста во повеќемилионскиот Њу Делхи.
П.Џ.
