„Воената моќ повторно стана главен аргумент на глобалните центри за одлучување. Како никогаш да немало милиони загуби на човечки животи и ужаси за време на Првата и Втората светска војна! Загриженоста за можна Трета светска војна е легитимна, има причини за тоа“, изјави Лукашенко на состанокот со највисоките претставници на националната безбедност, пренесува белоруската новинската агенција БелТА.
Лукашенко изјави дека десетици илјади војници на НАТО и стотици единици воена опрема, авиони и хеликоптери се распоредени во близина на границите на Русија и Белорусија.
„Во непосредна близина на Белорусија и Русија, како дел од операциите на Алијансата кои се спроведуваат во Европа, стационирани се околу 32.000 војници од комбинираните контингенти на вооружените сили на НАТО и САД. Станува збор за повеќе од 1.000 оклопни единици, околу 160 артилериски системи и минофрлачи, 235 авиони и хеликоптери“, рече Лукашенко.
