Арапите тропнале и на вратата на Ромелу Лукаку, емисари се сретнале со адвокатот на напаѓачот и му презентирале двегодишен договор со Ал Хилал тежок 50 милиони евра.
Сепак, популарниот „Биг Ром“ не е заинтересиран за преселба во Саудиска Арабија, како што пренесува Газета дело Спорт, тој го сака само Интер.
Фудбалерот од Белгија чека спортскиот директор на Интер, Пјеро Аусилио во следните денови да отпатува во Лондон на преговори со раководството на Челси за нова позајмица.
Зделката нема да биде лесна, „сините“ ќе треба да ги намалат барањата а и самиот Ромелу Лукаку да прифати помала плата од сегашните 8,5 милиони евра по сезона.
