Во соопштението на групацијата Луфтханза се наведува дека планот за летови е воспоставен поради последните настани на Блискиот Исток.
Како што е наведено, летовите за Тел Авив се суспендирани до 31 декември.
Групацијата Луфтханза претходно објави дека летовите до Техеран, главниот град на Иран, се откажани до 31 јануари 2025 година, а до Бејрут, главниот град на Либан, до 28 февруари 2025 година.
Поради зголемената загриженост за безбедноста по израелските напади, Луфтханза неколку пати го продолжуваше откажувањето на летовите кон Блискиот Исток.
