Лизгањето го погоди малото рударско гратче Пантукан во четвртокот наутро. Околу 120 војници се испратени да помогнат во извлекувањето на преживеаните и на телата на загинатите.
Минатиот месец поплави предизвикани од тропска бура го погодија истиот регион, убивајќи над 1.250 луѓе.
Локалните власти велат дека рударите и нивните семејства биле предупредени за високиот ризик во тој регион. Дел жители беа принудени да ги напуштат своите куќи по лизгањето што се случи во април 2011, недалеку од местото на вчерашната катастрофа.
Секоја година за време на влажната сезона на Филипините, која обично трае од јуни до декември, се случуваат по 20-тина лизгања на земјиште и тајфуни, најчесто со тешко поплави како последица. Несреќата од 1991 година сѐ уште го држи рекордот по бројот на жртвите, убивајќи 6.000 луѓе на островот Лејте.
